Azərbaycan ilə Türkiyə arasındakı xarici ticarət həcmi 2023-cü ildə əvvəlki ilə nisbətən 31 faiz artaraq 7,65 milyard dollara çatıb.
Facemark.az xarici mənbəyə istinadən xəbər verir ki, Azərbaycan Dövlət Gömrük Komitəsinin paylaşdığı illik məlumatlara görə, Türkiyə İtaliyadan sonra Azərbaycanla ən çox ticarət aparan ikinci ölkə olub. Azərbaycan İtaliya ilə 15,68 milyard dollar, Türkiyə ilə isə 7,65 milyard dollarlıq ticarət həcminə çatıb.
Azərbaycanla ən çox ticarət aparan üçüncü ölkə 4,35 milyard dollarla Rusiya olub.
2022-ci ildə Azərbaycan ilə Türkiyə arasında ticarət həcmi 5,84 milyard dollara çatıb. 2023-cü ildə əldə edilən 7,65 milyard dollar rəqəmi ilə iki ölkə arasında ticarət həcmi 2022-ci ilə nisbətən 31 faiz artıb.
Komitənin məlumatına görə, 2023-cü ildə Azərbaycan 193 ölkə ilə 51,18 milyard dollarlıq ikitərəfli ticarət həcminə çatıb.
