Azərbaycanın premium səviyyəli, ən böyük kinoteatrı “28 cinema” “Pasha Travel”-in dəstəyi ilə möhtəşəm kampaniyaya start verir. Belə ki, “28 cinema” kinoteatrının müştəriləri Novruz tətilini dünyanın lüks və ekzotik istirahət məkanlarından sayılan Maldiv adalarında keçirmək imkanı əldə edə bilərlər. Kampaniyanın şərtlərinə əsasən fevral ayın 1-dən etibarən “28 cinema”-ya 2 ədəd bilet alan hər müştəriyə kupon veriləcək və müştəri həmin kupona özü haqqında məlumatları qeyd edib kinoteatrın foyesindəkı lototrona atmalıdır. Kampaniyanın sonuncu günü lototrondan çıxarılan kuponun sahibi qalib elan olunur və qalibə “PASHA Travel”dən Maldiv adalarına səyahət paketi təqdim olunacaq.
Səyahət paketinə iki nəfərlik aviabilet, 5 ulduzlu lüks mehmanxanada 7 gün 6 gecə qalmaq və gün ərzində 3 dəfə qidalanma, səyahət sığortası və transfer daxildir. Eyni zamanda müştərilər Maldiv adalarının gəzməli və görməli yerləri haqqında kampaniyanın www.28cinema.az/contest internet səhifəsində ətraflı məlumat toplayıb, istirahətlərini daha da maraqlı edə bilərlər.
Qeyd edək ki, kampaniyaya fevral ayın 1-də start veriləcək və mart ayın 5-də bitəcəkdir. Qalib isə lotereyanın final günü martın 5-də elan olunacaq. Biletləri kinoteatrın kassalarında və ya www.28cinema.az rəsmi internet saytımızdan onlayn əldə edə bilərsiniz.
Həmçinin kampaniya haqqında ətraflı məlumatı www.28cinema.az/contest www.facebook.com/28Cinema səhifələrindən və ya (012) 499 89 88 nömrəsinə zəng vurmaqla əldə edə bilərsiniz. Eyni zamanda “PASHA Travel” agentliyinin www.pashatravel.az rəsmi internet səhifəsindən və (012) 497 10 90 əlaqə nömrələrindən məlumat ala bilərsiniz.
"PASHA Travel" 2003-cü ildə təsis edilib və tanınmış korporativ turizm agentliklərindən biri kimi güclü nüfuza malikdir. Şirkət öz müştərilərinə aviabiletlər, mehmanxanalar, transferlər və turların əvvəlcədən sifarişlə edilməsi (bron), habelə viza xidmətlərinin göstərilməsi və korporativ tədbirlərin təşkili də daxil olmaqla, dünyanın istənilən nöqtəsinə səfərlər üzrə xidmətlərin tam spektrini təklif edir.
“28 cinema” oturacaq yerlərinə görə ölkədə ən böyük kinoteatrdır və Enhanced 4K müasir texnologiyasına əsaslanan, Barco yeni nəslindən olan proyektorlar və 3D Xpand texnologiyalı eynəklər təqdim edir. “28 cinema” “PLATINUM MOVIE SUITES” zalı daxil olmaqla 6 zaldan ibarətdir və kinoteatrın ərazisində “Blackberry” restoranı və “Cappuccino coffee house” yerləşir.
