Embawood şirkəti populyar sosial şəbəkə olan facebook-da yeni FOTO müsabiqəyə start verib. Burada əsas ideya, StarCity mebel kolleksiyasına daxil modelləri müxtəlif şəkillərə (fona) uyğunlaşdırmaqdır. "StarCity yeni şəhərlər axtarır" başlığı ilə istifadəçilərə təqdim olunan facebook "oyunu"na hər bir istifadəçi istədiyi şəkli yükləyib, onun üzərinə Embawood məhsullarını qoymaqla müxtəlif dizaynlar edə bilərlər. Ən maraqlısı da odur ki, bunun üçün xüsusi biliyə və ya ayrıca proqram təminatına ehtiyac yoxdur. Facebook sosial şəbəkəsində yerləşdirilən bu oyuna daxil olmaqla, lazımi funksiyalardan istifadə edib müxtəlif kompozisiyalar yaratmaq mümkündür. GoCreative design studio-nun komandası tərəfindən hazırlanan müsabiqə ilk gündən rəğbət toplayaraq çox sayda iştirakçını cəlb edə bilmişdir. Müsabiqə Fevral ayının 12-si başa çatacaqdır və bu tarixdən sonra dizayn və foto sahəsidə tanınmış mütəxəsislər tərəfindən qaliblər elan olunacaqdır. Biz isə indidən bütün iştirakçılara uğurlar arzulayırıq.