Azərbaycanın mobil bazarı günü-gündən inkişaf edir.  Yerli servislərin, saytların mobil tətbiqləri yaranır. Belə tətbiqlərdən daha biri bu gün istifadəyə verilib.  Labrin.net komandasına məxsus Kinotap.com saytının android əməliyyat sistemləri üçün olan versiyası Google Play Store-da öz yerini alıb - https://play.google.com/store/apps/details?id=net.labrin.kinotap. Tətbiq beta versiyadadır. Gələcək yeniləmələrdə inkişaf elətdirilərək saytla tam eyni funksiyalarla təmin olunacaq. Kinotap.com saytı Azərbaycandakı bütün kinoteatrların afişasıdır.

İstifadəçiyə əsas lazım olacaq funksiyaları tətbiqdə tapmaq mümkündür. Hal-hazırda kinoteatrlarda göstərilən filmlərin seans cədvəlləri, tezliklə göstəriləcək filmlərin siyahısını istifadəçilər görə biləcək. Filmlər haqqında ətraflı məlumat, aktyorlar, treyler və s. kimi məlumatları da istifadəçilər tətbiqdən əldə edə biləcəklər.

Seans hissəsinə saytda olduğu kimi tətbiqdə də xüsusi diqqət yetirilib. Filmin seanslarına baxdıqda bitmiş seansları, hal-hazırda davam edən və gələcək seansları göstərilir. Seans saatının üzərinə toxunduqda (touch) isə həmin seans barədə ətraflı məlumatı görə bilərsiniz: qiymətlər, filmin dili, bitmə vaxtı və formatı.

Kinoteatrlar barədə də tətbiqdə məlumat almaq mümkündür. Saytda olduğu kimi kinoteatrın əlaqə məlumatları, yeri və bu kinoteatrda göstərilən filmlər.

Saytdakı filtrləmək funksiyasından, applicationda da yararlanmaq mümkündür. Beləcə mobil cihazınız və application köməkliyi ilə sizin vaxtınıza və zövqünüzə ən uyğun filmi seçmək imkanınız olacaq.

Gələcəkdə saytın digər mobil əməliyyat sistemləri üçün də tətbiqlərinin yazılması nəzərdə tutulub. Ancaq application-ı gözləmədən də saytın HTML5 mobil versiyasından istifadə etmək olar. Bunun üçün m.kinotap.com ünvanına daxil olmaq lazımdır.