İstər yerli, istərsə də beynəlxalq brendlərin sahibləri hazırki tutduqları pilləni qət etmək üçün minlərlə qəliz labirintləri aşılayıb və minlərlə mürəkkəb pillələri xırda addımlarla qalxmışlar. Nəhayət öz sevimli brendlərinə inam, hörmət və dəyər qazandıra bilmişlər. Brend sadəcə ləqəb və ya rəngarəng loqo demək deyil, brendin arxasında onu sevən, dəstəkləyən, diqqət və vaxt ayıran komanda olmalıdır. Yalnız öz brendini sevən insanlar, onu başqalarına da sevdirə, alıcılardan müsbət rəylər toplaya və bunun sahəsində irəli addımlaya bilərər!

Nəticə: Brendə ciddi qaydada diqqət və vaxt ayrılmalıdır. 

Diqqət və vaxt: Nəzərdən qaçırılan xırdalıqlar cəm şəkildə böyük problem yarada bilərsə, deməli böyük problemlərin həllinə daha çox diqqət və məsrəflər gərəkli olacaqlar. Bunun üçün tutulan istiqamətdə daim planlaşdırılmaya (xırdalıqlardan başlanmalı) ehtiyac vardır. Əsas qaydalardan ən vacibləri - əldə olunmuş auditoriyanın saxlanılması, onlarla daim isti münasibətin mövcudluğudur. Müxtəlif məlum və naməlum səbələrə görə, alıcı kütləsindən itki daim baş verməsi alqoritmini nəzərdə saxlayıb, auditoriyaya yeni kütlənin cəlb olunması istiqamətində marketinq fəaliyyəti durmadan işləməlidir. Nəticə: Mövcud və potensial müştərilərlə isti münasibət yaradaraq, onları alıcı auditoriyasında cəmləşdirmək.

Müvafiq alıcı auditoriyasının yaradılması və saxlanılması: Hazırda facebook marketinq imkanlarından istifadə edən bir çox xırda və iri brendlər mövcuddur ki, FB marketinqinin auditoriya saxlanma amilinə heç bir müsbət təsiri olmamasını nəzərə almırlar. Potensial müştəri üçün “like” seçimi maraqdan savayı random vəziyyətdən də irəli gəlir. Bu seçim müəllifin, brendə aid məlumat bazasına dərhal malik olması demək deyil, bu həmçinin “like müəllifi” ilə isti münasibətin də yaranması demək deyil. Bu o deməkdir ki, müəllif potensial müştəri siyahısında qalmağa davam edir, onun müştəriyə və daimi müştəriyə çevrilməsi faktı fərziyyə olaraq qalır. Növbəti əsas addım onların müştəriyə çevrilməsidir ki, bu yöndə marketinq üsulları yardımçı ola bilər amma necə?

Satışın təmin olunması: Diqqətləri nəzərə yönəlməyən kütləyə məlumat təklif etmək, nəticədə, kütlədə sizin brend haqqında mənfi fikir yarada bilər. Kütlənin nəzəri özündən asılı olmayaraq “PULSUZ”, “HƏDİYYƏ”, “ENDİRİM” və s. bu kimi aksiyalara yönəldiyini nəzərə alsaq, kütləyə özündə qismən məlumat daşıyan promotion hədiyyələrinin paylanması, nəticədə alıcı auditoriyasının nəzərə çarpan dərəcədə artmasına gətirib çıxaracaqdır. Nəticə: əsas kütləvi satışadi günlərdə deyil, aksiya ərəfəsində reallaşır. (Bakıda bəzi parfüm mağazaları satış strategiyasını məhz bu cür marketinq formulası üzərində qurmuşlar)

Ağıllı Promotion: Promo məhsullar siyahısına istənilən əşyanı daxil etmək olar, yəni promo məhsullar siyahısına daxil olan hədiyyələrin forması, görüntüsü, mahiyyəti, tərkibi və s. bu kimi məhdudiyyətlər mövcud deyil. Promonun optimal dərəcədə fayda verməsi üçün, promo hədiyyəni brend sahiblərinin özü müəyyən etməlidirlər. Məs.məqsəd elektron siqaret satışıdırsa, ağıllı promo anti-siqaret məzmunu ilə birgə brendləşdirilmiş alışqan, külqabı, kibrit ola bilər.

Promo məhsulların əldə olunması və ehtimal olunan məsrəflər:  Təcrübə göstərir  ki, bir çox brend sahibləri promo məhsulların qiyməti haqqında yanlış təsəvvürə malikdirlər. Əslində promo məhsullar, marketinq üsulları siyahısında ucuzluq baxımından birinci yerdə dururlar. Promonun mahiyyəti – banka depozit yatırımı qədər faydalı və bundan savayı müsbət təsürat, gərəkli məlumatın asanlıqla yayılması, isti münasibət və s. bu kimi çox vacib amillərin formalaşmasıdır. Yuxarıda elektron siqaret barədə qeyd olunan məsəldən daha bir çıxarış edək: Anti-siqaret və brend haqqında məlumatla brendləşdirilmiş 1000 ədəd alışqanlar kütləyə hədiyyə və ya pulsuz şəkildə paylandıqdan sonra, alışqan sahibləri yeni əldə olunmuş məlumatla, əhatələrində (ailədə, universitetdə, game klublarda, məhlədə və s.) olan şəxslərlə paylaşma prosesindən sonra, elektron siqaretlərin satılma ehtimalını 1 dəfə deyil 5-10 dəfə artıra bilər. Yəni 1000 ədəd promo məhsulun sayəsində, 5-10 min sosial əhatəni məlumantlandıraraq böyük müştəri bazası yaratmaq mümkündür. Həmin kütlənin cəmi 5%-i real alıcı siyahısına qatıldığı halda, əldə olunan gəlirə diqqət yetirək.

Elektron siqaretin qiyməti – 80 azn

Aşağı hesabla 5% alıcı kütləsi – 250 nəfər

250*80 = 20 000 azn

1000 ədəd alışqan üçün promo məsrəf, alışqanın keyfiyyətinə nisbətən 400-500azn təşkil edə bilər.

Ümumi nəticə: Promo məhsullar üzərində qurulan marketinq ən düzgün marketinq hesab olunur.