Hər zaman müxtəlif aksiya və kampaniyalar ilə tamaşaçıları sevindirən ölkənin premium səviyyəli kinoteatrı “28 Cinema” yeni “Ulduzlu seans” aksiyasına start verir. Belə ki, kinoteatr hər həftənin cümə axşamı günü – filmlərin premyera günündə, seyrçilərə öz sevdikləri ulduz ilə film izləmək imkanı yaradır. “Ulduzlu seans”-ın ilk günü, iyunun 6-da və ilk qonağı Azərbaycanın “Eurovision – 2013” təmsilçisi Fərid Məmmədov olacaq.
“Ulduzlu seans” aksiyasında ulduz, öz pərəstişkarları ilə yeni nümayiş olunacaq filmi birgə izləyəcək, imza verəcək və fotosessiyada iştirak edəcək. Ulduz ilə görüş hər həftənin cümə axşamı günü axşam seansında keçiriləcək.
“Məhşur insanlarla bir məkanda oturmaq, hər kəsin ürəyincədir. Öz sevdiyin, pərəstiş etdiyin ulduz ilə şəkil çəkdirmək, imzasın almaq və ən əsası film izləmək bu daha zövq vericidir. Bütün bu şəraiti yalnız “28 Cinema” kinoteatrı yaradır. Fikrimcə, aksiya hamının ürəyincə olacaq və heç kim bu fürsəti əldən verməyəcək” – deyə kinoteatrın İcraçı direktoru Elnarə Rəhimova bildirib.
“28 Cinema” kinoteatrı Enhanced 4K müasir texnologiyasına əsaslanan, Barco yeni nəslindən olan proyektorlar və 3D Xpand texnologiyalı eynəklər təqdim edir. “28 Cinema” “PLATINUM MOVIE SUITES” zalı daxil olmaqla 6 zaldan ibarətdir və kinoteatrın ərazisində “Blackberry” restoranı və “Cappuccino coffee house” yerləşir.
