Reklam və İKT sahəsində fəaliyyət göstərən yurddaşlarımız üçün “Milli Lorem” elektron resursunu hazırlayan “GoCreative design studio”su, eskizlərdəki standart “lorem ipsum” yazılarının əvəzinə, Azərbaycan dilində müvafiq şablon mətnləri yerləşdirməyi sizlərə təqdim edir. Mətnlərin hazırlanmasında cümlələr elə seçilmişlər ki, eskizlərdəki mətn hissələrində təkrarlanan vizuallıq effekti yaranmasın. Bu mətnlərlə siz www.lorem.az saytında tanış ola bilərsiniz.

“Milli Lorem” şablon mətnlərlə yanaşı, dizayn sahəsində çalışanlar üçün “foto lorem” bölməsini də istifadəçilərə təqdim edir, hansı ki burada 48 ölçüdə, hüquqları adı çəkilən şirkətə məxsus şəkillərdən dizayn eskizlərində istifadə etmək mümkündür. Burada məqsəd milli dizayner və eskiz çəkənlərin vaxtına qənaət etmək və lazımi ölçüdə fotoların anında əldə edilməsidir.