Bakcell şirkəti və AFFA tərəfindən Bakcell Arenada təşkil olunan Mançester Yunayted Yay futbol məktəbinin 5 iştirakçısı Samir Məhərrrəmli, Turan Vəlizadə, Zeynəddin Əbdürrəhmanov, Tamerlan Rizvanov və Xəyal Əliyev avqustun 10 dan etibarən Mançester şəhərindəki Denston kollecindəki Mançester Yunayted Yay məktəbində toplaşdılar. 

2013 cü il iyunun 14 də AFFA və Bakcell şirkəti uşaq futbolunun inkişafı və bu idman növününun kütləviliyinin artırılması məqsədilə yeni layihəyə start verildi. Birgə layihə çərçivəsində Mançester Yunayted Yay futbol məktəbi nin Bakcell Arenada təşkil olunacaq təlim məşq toplanışında iştirak etmək üçün Gəncə, Mingəçevir, Lənkəran, Sumqayıt və Bakı şəhərlərində seçim turları təşkil edildi. Bu seleksiya turlarında 32 ən istedadlı uşaq seçilərək Bakıda Bakcell Arenada Mançester Yunayted  futbol məktəbinin məşqçiləri tərəfindən keçirilən toplanışa cəlb olundular. İyunun 24 dən 28 dək Bakcell Arenada təşkil olunmuş məşqlərdə iştirak edən uşaqların arasında 6 nəfər seçildi və onlar İngiltərənin Mançester şəhərinə yollanaraq Mançester Yunayted futbol məktəbində hazırlıq keçmək şansı əldə etdilər. Qeyd edək ki, onlardan biri Nigar Mirzəliyeva avqustun 3 dən 10 dək Mançesterdə toplanışda olub.