“Bank of Baku” tələbələrə Bolkartın verilmə prosesini asanlaşdırdı. Belə ki, indi Azərbaycan tələbə kartına malik olan tələbələr, tələbə kartı və şəxsiyyət vəsiqəsini təqdim etməklə 500 AZN məbləğli Bolkart əldə edə bilərlər.

Sənədlərin təqdim edilməsi şərtləri aşağıdakılardır:

- Tələbənin özünün qeydiyyatı “Bank of Baku”-nun filiallarının fəaliyyət göstərdiyi rayondadırsa (Bakı, Sumqayıt, Xırdalan, Gəncə, Şəki, Lənkəran, Xaçmaz və Şirvan)  - şəxsiyyət vəsiqəsi və tələbə kartı (və ya tələbə bileti, qiymət kitabçası) təqdim edilməlidir.

- Tələbənin özünün qeydiyyatda olduğu ərazidə bankın filialı fəaliyyət göstərmirsə, lakin təhsil aldığı ali məktəb bankın fəaliyyət göstərdiyi rayondadırsa - şəxsiyyət vəsiqəsi və tələbə kartı ilə yanaşı stipendiya barədə arayış da təqdim edilməlidir. Qeyd edək ki, bu kateqoriyaya aid olan sonuncu kursun 2-ci semestrində təhsil alan ali məktəb tələbələrinə Bolkart rəsmiləşdirilmir.

Hal-hazırda 140.000-ə yaxın Azərbaycan vətəndaşı Bolkart ilə alış-veriş edir.

Qeyd edək ki, Bolkart vasitəsilə ölkəmizin istənilən mağazasında, həmçinin dünyanın istənilən ölkəsində və internetdə alış-veriş etmək mümkündür.

Bolkart əldə etmək istəyən tələbələr “Bank of Baku”-nun filiallarına müraciət edə, həmçinin onlayn sifariş verə bilərlər : http://bolkart.az/#openorder  və ya www.facebook.com/bolkart.