“Komtec LTD” MMC şirkətinin verdiyi məlumata əsasən, şirkət MilliÖN terminallarında VVAQ xidmətləri barədə məlumatın alınmasını və dövlət rüsumlarının ödənilməsini reallaşdırdı. Bu xidmət  Bakı şəhərində qeydiyyat orqanlarının yalnız 12 filialında mümkündür. Məlumat və ödəmələr üçün “Qeydiyyat orqanı” düyməsinə basmaq gərəkdir. Sonra müvafiq xidməti seçib, məbləği daxil edib, qəbzi götürə bilərsiniz. Bu yenilik həmçinin vətəndaşlara terminallar vasitəsilə şəhadətnamələrin alınması üçün gərəkli sənəd və arayışlar, tarixlər, prosedurlar barədə və digər faydalı məlumat almağa yardımçı olacaqdır.

VVAQ xidmətinə növbəti sənədləşdirmələr və sənədlərin verilməsi daxildir:

Doğumun qeydə alınması

Nikahın qeydə alınması

Nikahın pozulmasının qeydə alınması

Övladlığa götürmənin qeydə alınması

Atalığın müəyyən edilməsinin qeydə alınması

Adın, ata adının və soyadının dəyişdirilməsinin qeydə alınmas

Ölüm qeydə alınması

Vətəndaşlıq vəziyyəti aktlarının qeydiyyatı haqqında təkrar şəhadətnəmələrin verilməsi

Vətəndaşlıq vəziyyəti aktlarının qeydiyyatı haqqında şəhadətnəmələrin dəyişdirilməsi

Ödənişli rüsumların ödənilməsinin komissiyası 1 AZN-dir. Məbləğin köçürülməsi real rejimdə aparılır.

MilliÖN şəbəkəsi Azərbaycan üzrə beş mindən çox ödəmə nöqtəsindən ibarətdir. Terminalların sayı isə min üç yüzdən çoxdur. MilliÖN ödəmə sistemində hazırda 55-dən çox kütləvi xidmət müəssisələri fəaliyyət göstərir, və bunların arasına mobil rabitə, kabel televiziyası, internet provayderlər, kommunal müəssisələr, aparıcı banklar və qeyri-bank təşkilatları daxildir.