Dekabrın 24-də - Proqramçılar Günü – “Microsoft Azerbaijan” şirkəti Bakıda IT-mütəxəssislər və tələbələr üçün mobil və bulud proqramlaşdırmasına dair seminar təşkil edəcək. Seminarda “Windows Phone 8” əməliyyat sistemi üçün mobil əlavələrin yaradılması, mobil əlavələr üçün “Windows Azure Mobile Services” xidməti, universal API-nin yaradılması və “Microsoft Office SharePoint“ yeni paketi üçün əlavənin yaradllması kimi məsələlər müzakirə olunacaq.
Tədbir dekabrın 24-də “Park Inn” hotelinin “Dan Ulduzu” zalında keçiriləcək.
“Microsoft” haqqında:
1975-ci ildə təsis edilmiş Microsoft korporasiyası proqram təminatı istehsalında dünya lideridir. Microsoft korporasiyası geniş çeşidli proqram məhsulları hazırlayır və istehsal edir. Onların arasında stolüstü və şəbəkə əməliyyat sistemləri, müştəri-server mühitləri üçün server tətbiqləri, istifadəçilər üçün stolüstü biznes-tətbiqlər və ofis tətbiqləri, interaktiv proqram və oyunlar, internet şəbəkəsində işləmək üçün vasitələr və hazırlama alətləri.
Microsoft korporasiyasının məhsulları 80-dən artıq ölkədə satılır, Azərbaycan dili daxil olmaqla 45-dən çox dilə tərcümə edilib və fərdi kompüter platformalarının əksəriyyəti ilə uyğundur. 2005-ci ildən Azərbaycanda fəaliyyət göstərən “Microsoft Azerbaijan” şirkətinin başlıca vəzifəsi – elektron idarəetmə, biznes inzibatçılıq və təhsil sistemi üçün yeni məhsulların tətbiq etməklə Azərbaycanın inkişafına töhfə verməkdir.
