Tanınmış caz ifaçıları Elnur Hüseynov və Diana Hacıyeva dəniz səviyyəsindən 2 500 metr yüksəklikdə yerləşən “Pik Palace” hotelində Novruz Bayramına həsr olunmuş xüsusi proqramla çıxış edəcəklər.
Diana və Elnur hazırladıqları yeni proqramı gənc və istedadlı “iJazz” qrupunun müşayiəti altında təqdim edəcəklər. Novruz Bayramı ilə əlaqədar hazırlanan xüsusi kampaniya çərçivəsində “iJazz” qrupu martın 21-dən 23-dək hər axşam “Pik Palace” hotelində çıxış edəcək.
“Mən şadam ki, biz Diana ilə Azərbaycanın ən yüksək dağlıq yerində çıxış edən ilk yerli müğənnilərik. Novruz Bayramı - xüsusi bir gündür və biz bu axşam konsertə gələn insanların baharla görüşünü xüsusi olması üçün əlimizdən gələni əsirgəməyəcəyik”, - deyə Elnur bildirib.
Şahdağ mənzərəsinə açılan və 167 otağı olan hoteldə fəaliyyət göstərən “ChocolatCafe”, “Alpina Brasserie & Wine Bar” və “Fujisan Restaurant & Bar” restoranları zərif mətbəxin dadına baxmağı, tanınmış fransız brendi “Cinq Mondes” ilə əməkdaşlıq edən SPA mərkəzi isə üz və bədən üçün sakitləşdirici və bərpaedici prosedurlar, o cümlədən ətirli terapiya, masaj və digər SPA xidmətlərini təklif edir. Novruz Bayramı ilə əlaqədar xüsusi təklifin qiyməti 176 manatdan başlayır.
Rezervasiya üçün (+994 12) 310-20-10 nömrəsinə zəng edib və ya www.pikpalace.com internet səhifəsini ziyarət etmək olar.
Qeyd olunan qiymət minimal 3 gecə rezervasiya üçün şamil olunur və hoteldəki boş otaqların olmasından asılıdır.
