“UĞUR” Milli Mükafatının 2013-cü il üzrə nəticələri iyunun 4-də, “Jumeirah Bilgah Beach” mehmanxanasında təntənəli şəkildə elan olundu. Mükafata ölkə iqtisadiyyatının müxtəlif sahələrini əhatə edən və öz fəaliyyətində nailiyyətlər qazanmış şirkətlər və dövlət strukturları layiq görüldülər.


 


Laureatlar, “Consulting&Business” jurnalının tərkibində fəaliyyət göstərən Təşkilat Komitəsi tərəfindən on yeddi nominasiya üzrə müəyyən olunmuşdu. Nominantların seçimi bir neçə ay davam etdi.


 


Mükafatın Təşkilat Komitəsi il ərzində ölkənin iqtisadi və sosial həyatında mühüm rol oynayan, ölkənin iqtisadi yüksəlişində əməyi olan şirkətləri seçərək, onları ictimaiyyətə təqdim etdi. Təsadüfi deyil ki, “UĞUR” mükafatının builki laureatları arasında ölkə iqtisadiyyatında keyfiyyətli məhsulları və xidmətləri, qabaqcıl texnologiya və innovasiyaları ilə seçilən, etibarlı işəgötürən statusu qazanan və sosial məsuliyyətli biznes nümayəndələri təmsil olunurdular.


 



 


“UĞUR” Milli Mükafatının laureatları

 


Nominasiyalar

“Azərsu” ASC


 

Su təchizatı sahəsində dövlət strategiyasının həyata keçirilməsinə verdiyi töhfəyə görə

Asan Xidmət

Səmərəli xidmət nümunəsinə və dövlət-vətəndaş münasibətlərinə verdiyi töhfələrə görə


 

“Bank of Baku” ASCi

Azərbaycanda pərakəndə bank xidmətləri bazarının lideri. Bolkart - ən uğurlu kredit kartı.

“Synergy Group” ASC

Azərbaycanda regionların sosial-iqtisadi inkişafına verdiyi töhfələrə görə

“Amrahbank” ASC

Bankın uğurlu inkişaf strategiyasına görə

"Aqro-Azərinvest" MMC

Şərabçılığın inkişafına verdiyi töhfələrə görə

“Meqa Sığorta” ASC

Ən dinamik inkişaf edən sığorta şirkəti

“Caspian Telecom”  MMC

“Korporativ sektorda telekommunikasiya, kabel televiziyası və internet xidmətlərinin göstərilməsində əldə olunan nailiyyətlərə görə"

Azad Azərbaycan Müstəqil Teleradio Yayım Şirkəti

Azərbaycanın televiziya məkanında reallaşdırdığı qlobal layihələrə görə

“Camal Ltd”

Azərbaycanda qida məhsullarının istehsalında beynəlxalq standartların tətbiqinə görə

"Ovçular ət və ət məhsulları" MMC


 

Qida sənayesinin inkişafına verdiyi töhfəyə görə

12. Memar

Fərdi memarlıq layihələrinin icrasında əldə olunan nailiyyətlərə görə

13. “AzServices” MMC

Keyfiyyət nişanı. Hi-tech

14. “Atlant” MMC

Azərbaycanda otelçilik biznesinin inkişafına verdiyi töhfələrə görə

15. TREND İnformasiya Agentliyi

 

“İnformasiya və analitika sahəsində beynəlxalq miqyaslı töhfələrinə görə

16. “Azad Azərbaycan” radiosu-106.3 Fm


 

Maarifləndirmə və milli musiqinin təbliğinə verdiyi töhfələrə görə

17. Jumeirah Bilgah Beach Hotel

Ən yaxşı kurort Spa otel

 


Qeyd edək ki, “UĞUR” Milli Mükafatı 2000-ci ildə “Consulting&Business” jurnalı tərəfindən təsis olunub və Azərbaycanda biznes və iqtisadiyyat sahəsində ilk və ən nüfuzlu mükafatdır. Ölkədə sahibkarlığın və işgüzar mühitin inkişafına, şirkət və qurumların nüfuzunun yüksəlməsinə, korporativ sektorda rəqabətin artmasına xidmət edən bir təsisat kimi tanınan “UĞUR” Milli Mükafatı hər il təqdim olunur. Xüsusilə vurğulamaq yerinə düşər ki, 14 il ərzində mükafatın laureatları arasında yalnız yerli şirkətlər deyil, həmçinin Azərbaycanda fəaliyyət göstərən transmilli kompaniyalar da təmsil olunublar.