Model həmçinin yüksək səviyyədə təhlükəsizlik sistemi ilə təchiz olunub. Belə ki, Juke modelinin təhlükəsizlik sistemi Euro NCAP təhlükəsizlik reytinqinə görə 5 ulduz mükafatına layiq görülüb. Bunun əyani sübütu olaraq, böyüklər üçün 87 bal, kiçik sərnişinlər üçün isə 81 bal qiymətində müdafiəni təmin etməsini qeyd etmək olar. Həmçinin avtomobilin sınaq testində ön zərbə zamanı kuzov hissənin bütövlüyünün qorunması Nissan Juke modeline daha da yüksək bal qazandırıb. Altı ədəd təhlükəsizlik yastıqları, baza təchizatında dinamik stabilizasiya sistemi olan ESP, ətrafı rahat müşahidə etməyə imkan verən hündür görünüş hər an sürücüyə 100% əminlik hissi bəxş edir.

Qeyri-adi dizaynı ilə diqqət çəkən Nissan Juke, keçən aylarda Türkiyə Beyoğlu İlçe Təhlükəsizlik Xidmətində polis avtomobili olaraq istifadə edilməyə başlanıb. Sonradan isə Kadıköy, Fateh, Beşiktaş və Ovçular İlçe Təhlükəsizlik Xidmətləri də öz avtomobil parkına Nissan Juke qatıb. Avtomobillər Sultanahmet Meydanında təşkil edilən bir mərasimdə Kadıköy, Fateh, Beşiktaş, Ovçular İlçe Təhlükəsizlik Xidmətinin rəhbərlərinə təqdim edilib.

Təqdimetmə mərasimi əsnasında Nissan avtomobillərinin Türkiyə üzrə Ümumi Satış Müdiri əminliklə bildirib ki, Nissan Juke avtomobillərinin performansı, şəhər istifadəsinə uyğun ölçüləri və yerdən yüksək quruluşu, qarşımıza çıxan bütün çətinliklərin öhdəsindən asanlıqla gəlməyə və hər bir şəraitdə Təhlükəsizlik Təşkilatına dəstək olmağımıza kömək edəcək.

Nissan model sırası, o cümlədən Nissan Juke haqqında ətraflı məlumatı Nissan salonlarından və http://www.nissan.az/ saytından, həmçinin https://www.facebook.com/NissanAzerbaijan səhifəsindən əldə edə bilərsiniz.

“Nurgün Motors” şirkəti 1996-cı ildən Azərbaycan bazarında NİSSAN konserninin rəsmi distribütorudur. Şirkət, Nissan markalı avtomobillərinin satışı, zəmanəti və servis xidmətləri, ehtiyat hissələrinin pərakəndə və sifarişlə satılması ilə məşğul olur. Şirkətin Bakı şəhərində 3 (Babək pr.31, Salamzadə küç.2 və Xoyski pr.104A) ünvanda, həmçinin Gəncə (Gəncə-Şəmkir şossesi 1-ci km), Şəki (M.Ə.Rəsulzadə küç.2) və Lənkəran (Ləvəngi dairəsi) şəhərlərində salonları fəaliyyət göstərir. “Nurgün Motors”un salonlarından alınan hər bir avtomobilə 4 il müddətinə və ya 100.000 km zəmanət verilir. “Nurgün Motors” 2007-ci ildən beynəlxalq keyfiyyət standartı İSO 9001:2008 sertifikatını əldə etmişdir və bütün fəaliyyətini bu standartın tələbləri əsasında həyata keçirir. Bütün salonların yerləşdiyi ərazilərdə eyni zamanda dünya standartlarına cavab verən ən son texnologiya və avadanlıqlarla təchiz olunan servis mərkəzləri istifadəyə verilib.

“Nurgün Motors” müştərilərinə təqdim etdiyi servis xidmətlərinə görə müxtəlif vaxtlarda nüfuzlu mükafatlara layiq görülüb.