Amerikalı “Local Motors” adlı mühəndislik şirkəti Detroit sərgisində inqilabi bir kəşfə imza atıb. Şirkət tamaşaçıların gözü qarşısında tamamilə 3 ölçülü printerdən çıxarılan ilk maşını nümayiş etdirib.

Maşın testdən də keçirilib. “Strati” adlı maşının daha öncə bir necə prototipi hazırlanıb və sərgilənib. Maşının təkərlərindən başqa demək olar ki, hər şeyi - mühərriki, naqilləri, ötürücüləri hər şeyi 3D printerdən çıxıb.

Bu gün adi bir maşının 5-6 min mexanik hissəsi var. “Strati”də isə bu rəqəm 49-a kimi azalıb. Onların 44-ü 3D printerdən çıxır. Bütün hissələrin printerdən çıxması 44 saata başa gəlib. Maşının istehsalında “leqo” oyuncaqlarında istifadə edilən termoplastik məhsuldan istifadə edilir. 550 kq çəkisi olan maşın elektrikli mühərriki ilə 65 km sürətlə hərəkət edir və bir dəfə enerji yığmaqla 193 km yol gedir. Maşının 25 min dollardan satışa çıxarılması planlaşdırlır.