Azərbaycan avtomobil bazarına özünəxas səs-küy və çevikliklə girən Dodge Durango nəhəng gövdəsini israrla burada yerləşdirir. Chrysler Mərkəzinin yeni kredit şərtlərilə Dodge Durango modelini indi 5900 AZN-ə “sürüb getmək olar”. Avtomobil üçün ilkin ödəniş məbləği məhz bu qədərdir! Güclü mühərrik həvəskarları isə əfsanəvi HEMI güc aqreqatı ilə təchiz olunmuş Citadel 5.7 modelinə sadəcə 12400 AZN ödəməklə sahib ola bilər. Mərkəz bank xərclərini və 3 illik sığortanı hədiyyə etməklə iri avtomobil həvəskarlarına Dodge Durango sürməkdən həzz almaq imkanı verir.

Durango sürəti, çevikliyi və “əzələli” dizaynı ilə tanınmış Dodge ailəsinin ən nəhəng üzvüdür. Həm də təkcə Dodge ailəsinin deyil, avtomobil sənayesinin nəhənglərindən sayılır. Tam ölçülü SUV olan bu Amerika avtomobili Jeep Grand Cherokee bazasında yığılıb. Bu özəlliyi onun çevikliyinin və manevr qabiliyyətinin təminatıdır. Durango Azərbaycanda həm 3.6, həm də 5.7 l mühərrik variantları ilə təqdim olunur. Qiyməti isə 39500 manatdan başlayır. 

Chrysler qrupuna daxil olan Dodge avtomobillərini Azərbaycanda Auto Azərbaycan şirkəti təqdim edir. 16 ildən artıq müddətdə fəaliyyət göstərən şirkət servis imkanları ilə müştərilərinin etimadını qazanmaqla yanaşı, Qafqazda ən böyük ehtiyat hissələri anbarına malikdir.