Yandex Rusiyada ən böyük axtarış motorudur. Statcounter-a görə, 2019-cu ilin iyul ayında Google-un 47.88%-i ilə müqayisədə, Rusiyada 48.79% bazar payına sahib oldu.

Əvvəlcə yandex.ru saytında rus dilində başlayan, indi yandex.com saytında qlobal bir ingilis dilində versiyası olan bir axtarış motoru olan Yandex-in ən böyük rəqibi Google-la nə kimi fərqləri olduğuna nəzər yetirək:

• Bölgə təyin etmə;

Google və Yandex arasındakı əsas fərqlərdən biri, coğrafi hədəfləmə üçün Yandex-in üstünlük verdiyi yerlərdir. Google istifadəçiləri axtarış etdiyi zaman əksər istifadəçilər ölkələrindəki digər istifadəçilərlə eyni nəticələri görəcəklər. Yandex-də isə belə deyil.

• Bazar payı;

Yandex, Google-ın 47.88%-i ilə müqayisədə Rusiyada 48.79% bazar payı ilə ən populyar axtarış motorudur.

Bəzi mənbələrdə Yandex-in bazar payı 50%-dən çoxdur və əksəriyyəti Yandex-in Rusiyada Google-dan daha populyar olduğu ilə razılaşır. Bununla birlikdə, Yandex, Rusiyadan başqa bir çox ölkədə də çox populyardır.

• İstifadəçi davranışını tənzimləmək;

SEO mütəxəssisləri, istifadəçi davranışının əhəmiyyətli bir sıralama faktoru olub-olmadığı mövzusunda illərdir mübahisə edirlər. Yandex-də istifadəçi davranışı böyük bir sıralama faktorudur. İstifadəçiləri mümkün qədər uzun müddət saytda qalmağa təşviq edən veb saytlar həmişə rəqiblərindən daha yaxşı sıraya girir.

• Səhifədəki məzmun daha çox vacibdir;

Google yeni, yüksək keyfiyyətli məzmuna diqqət yetirə bilər, amma Yandex-də belə deyil.

Yəni müvəffəqiyyət üçün universal bir resept yoxdur və məzmun yeniləmələrinin tezliyi, əsasən, işin təbiətindən asılıdır. Ümumi tövsiyə isə kontentinizin keyfiyyətinə üstünlük verməyinizdir.

Müəllif: Fidan Əzizova