İşə başladığınızda ilk düşünməli nüans müştərilərinizi necə cəlb etməli olduğunuzdur. Necə etmək olar ki, onlar məhsullarınızı alsınlar və markanıza sadiq qalsınlar? Potensial müştəriləri cəlb etmək, onları qorumaq və nəticədə, hərəkətlərinizi satışa çevirmək üçün müxtəlif marketinq strategiyaları hazırlamaq vacibdir. Ancaq problem ondadır ki, yeni müştərilər cəlb etməyi bacarsanız da, onları uzun müddət saxlamaq asan deyil. Məhsullarınızı bir neçə dəfə aldıqdan sonra abunəliklərini ləğv edə bilərlər. Alış-veriş etmək üçün saytınıza nəzər yetirməyi dayandırmaq da onların gələcəkdəki seçimlərindən biri ola bilər.
Bu hallarda, marketinq strategiyanızda mütləq müştərilərinizi saxlamağınıza mane olan bir xüsusiyyət olub-olmadığını yoxlamalısınız.
Facemark.az markanızın imicini müştərilərinizin qarşısında zəiflədən nüansları bu yazıda təqdim edəcək.
1. E-poçt marketinqinin gücünü göz ardı etmək
Bir çox marketoloqun etdiyi ilk səhv e-poçt marketinqinin gücünü qiymətləndirməməkdir. E-poçt kampaniyalarının marketoloqlar üçün bu qədər vacib olmasının ən əsas səbəblərindən biri mesajlarınızı birbaşa müştərilərinizə ötürməsidir.
Digər marketinq üsullarından fərqli olaraq, e-poçt marketinqi potensial müştərilərinizin poçt qutusuna keçməyinizə icazə verir. Bu da öz növbəsində sizin müştərilərlə aranızdakı kommunikasiyanı asanlaşdırır.
Yeni məhsullarınız, endirimlər, təkliflər və s. onları məlumatlandırmaq üçün bu yoldan istifadə edə bilərsiniz. Mesajınızı oxuduqda markanızı xatırlayacaq və saytınıza keçmək istəyəcəklər. E-poçt marketinqi hədəf auditoriyanızla əlaqə qurmağın yaxşı bir yoludur.
2.Yeni müştəri qazanmağı daha çox önəmsəmək
Bəzi marketoloqlar yeni müştəri qazanmaq istəyərkən sahib olduqları müştəriləri unudurlar. Dolayı yolla, onlara sadiq olan müştərilərlə kommunikasiyanı yaxşılaşdırmağa lazımi diqqəti göstərə bilmirlər.
Bunu edərkən də unutmamalıyıq ki, artıq müştərimiz olan insanları bizimlə saxlamaq yeni müştəri tapmaqdan daha asandır. Yeni müştəri əldə etmək üçün cəhdlər, hədəf auditoriyasının analizi kimi məsələlər üçün əvvəlcə hər şey planlaşdırılmalıdır.
Bunu etmək üçün isə vaxt və güclü cəhd lazımdır. Markanızın marketinq strategiyasını aparmaq bir yana, yeni marketinq kampaniyalarına başlamaq özü də maddi baxımdan sizə baha başa gələ bilər.
Bunun kontrastında, əvvəlki müştəriləriniz nə gözləməli olduqlarını, markanıza necə kömək edə biləcəklərini, məhsulları niyə istifadə etməli olduqlarını yaxşı bilirlər. Onlar markanızı dərindən bildikləri üçün sizə güvənirlər. Bu da öz növbəsində onların saytınızda keçirdiyi vaxtı çoxaldır.
3. Müştəri rəyini ciddiyə almamaq
Bəzən müştərilərinizin neqativ rəylərini qəbul etmək çətin olur. Bir çox marketoloq bu cür rəylər qarşısında müştərilərə neqativ geri dönüş edir. Bu, bir marketoloq olaraq edəcəyiniz ən böyük səhvlərdən biridir.
Bu cür şərhləri markanız üçün faydalı rəy kimi qəbul etməkdənsə buna şəxsi yanaşsanız, bu, müştərilərinizlə kommunikasiyanıza pis təsir göstərə bilər. Hətta bu, onları gələcəkdə markanıza bir daha geri dönməməyə təşviq edə bilər.
Müştərilərinizin geridönüşlərinin sizə və markanıza bir çox xeyri dəyə bilər. Buna görə də bu geridönüşləri özünüzə və işinizə bir şikayət kimi yox, faydalı məlumat kimi qəbul edin.
Birincisi, müştərilərinizə qulaq verdikdə onlar özlərini dəyərli hiss etməyə başlayırlar. İkincisi, bu cür geridönüş mesajları işinizi və marketinq kampaniyalarınızda olan boşluqları görməyinizə kömək edəcək. Bu, müştərilərinizin sizə sadiq qalmağına kömək edəcək.
Bir sözlə bunlar marketoloqların etdiyi səhvlərdən bəziləridir. Nəticə olaraq, bu kimi səhvlər markaya yalnız müştəri itkiləri ilə geri dönür.
Hazırladı: Pəri Abbaslı
