Bildirilib ki, ABŞ-ın ən böyük banklarından biri olan Wells Fargo depozit hesablarını, habelə avtomobil və ipoteka kreditlərini düzgün idarə etməməkdə ittiham olunaraq 3,7 milyard dollar ödəyəcək.

Facemark.az xarici mənbəyə istinadən xəbər verir ki, istehlakçıların Maliyyə Müdafiəsi Bürosundan (CFPB) verilən açıqlamada qeyd olunub ki, bank istehlakçılara 2 milyard dollardan çox təzminat ödəyəcək və qanun pozuntularına görə 1,7 milyard dollar cərimə ödəyəcək.

Açıqlamada deyilir ki, bank 16 milyondan çox istehlakçının hesablarına təsir edən qanunsuz fəaliyyəti ilə yanaşı, dəfələrlə kredit ödənişlərini səhv tətbiq edib.