1) Vaxta qənaət: İnternet heç vaxt bağlanmır. Siz həftənin 7 günü 24 saatı ərzində istədiyiniz vaxt onlayn alış-veriş edə bilərsiniz, mağazalara getmək haqqında tamamilə narahat olmayacaqsız və vaxtınıza qənaət etmiş olacaqsınız. Siz artıq mağazalara gedərək, avtomobili park etmək üçün yer axtarmayacaq, piyada mağazaları gəzib dolaşmayacaqsız və alış-veriş etmək üçün Sizə artıq saatlar deyil dəqiqələr kifayət edəcək.
2) Rahat, asan, geniş çeşidli seçim və aşağı qiymətlər: Siz istədiyiniz rəngdə, ölçüdə, markada olan məhsulları rahatlıqla axtarıb baxa və onun haqqında geniş məlumat əldə edə bilərsiniz. Mağazalara gedərək bir-bir məhsullarla və qiymətləri ilə tanış olub vaxt itirməyin yerinə sadəcə bir kliklə qiymətləri qısa zamanda müqayisə edib sizə münasib olan məhsulu tapa bilərsiniz. Eyni zamanda ən yaxşı təkliflərlə və endirimlərlə də tanış olmaq imkanınız olacaq. Onlayn alış-veriş saytlarında yerləşdirilən məhsullar mağazada satılan məhsullardan daha ucuz olur.
3) Dünyanın istənilən onlayn mağazasında bazarlıq etmək imkanı: Onlayn alış-veriş coğrafi məhdudiyyəti tamamilə aradan götürür. Aydın məsələdir ki, bir çox sahibkarların fiziki olaraq hər bir ölkədə, şəhərdə mağazaları yoxdur, amma Siz onlayn olaraq haqqında heç bir zaman eşitmədiyiniz və heç bir zaman görmədiyiniz sizin üçün maraqlı olan yeni məhsulları bu saytlardan tapıb, əldə edib özünüz üçün kəşf edə bilərsiniz. Dünyanın istənilən yerindən uzun zamandır arzuladığınız amma əldə edə bilmədiyiniz məhsulları təyyarə xərclərinə və digər xərclərə qənaət edərək sahibi ola bilərsiniz.
4) Mağazalarda tapa bilmədiyiniz məhsulları tapa bilmək: Bəzi tacirlər bütün məhsulları gətirib mağazada yerləşdirə bilmirlər və yaxud da yerləşdirmirlər. Siz isə günlərlə onları axtarıb tapmaqda çətinlik çəkirsiniz, həmin rəngdə, ölçüdə, növdə məhsul olmur mağazada, bəzən ümumiyyətlə heç nə tapmırsınız. Onlayn alış-veriş saytları isə məhz bu səbəbdən sizə imkan verir ki, istədiyiniz tələblər çərçivəsində olan məhsulu asanlıqla dəqiqələr içində tapasınız.
5) Stressdən uzaq: Onlayn alış-veriş sizi hər hansısa mağazaya nəqliyyat vasitəsi ilə gedərkən yolda yaranacaq tıxaclar, mağazada gözlədiyiniz növbələr, avtomobili saxlamağa yer axtardığınız zaman sizə stress gətirəcək bütün mənfi hallardan kənar edir.
6) Vaxtında və pulsuz çatdırılma: Siz artıq fikirləşməyəcəksiniz ki, böyük ölçülü məhsulları necə ünvanınıza çatdırasınız. Düşünün, qışın soyuq havasında evdə oturub isti çayınızı içib istirahət etdiyiniz vaxt məhsulunuz təhlükəsiz formada, qırılmadan, əzilmədən, pulsuz olaraq ünvanınıza gətiriləcəkdir.
7) Artıq ödəniş kağızlarına yox: Siz istədiyiniz vaxt hesabınıza daxil olub etdiyiniz əməliyyatlarla tanış ola bilərsiniz və eyni zamanda elektron əməliyyatlar etmək Sizin üçün daha da təhlükəsiz və asan olacaq. Həmçinin, hər şey internet üzərində qurulduğundan Sizin əlavə ödəniş kağızlarını üzərinizdə daşımağınıza ehtiyac qalmayacaq və kağızlara qənaət edərək ətraf mühitə daha da az ziyan vurmuş olacaqsınız.
