Kaymu.az ticarət platforması olaraq özü heç bir məhsul alış və satışını həyata keçirmir, alıcı və satıcılar üçün onlayn bazar funksiyasını yerinə yetirərək, hər iki tərəfin qısa zamanda, təhlükəsiz mühitdə, heç bir əlavə xərc ödəmədən uğurlu əməliyyatlar etməsini təmin edir.
Eyni zamanda agent kimi hərəkət edərək alıcıların və satıcıların işini asanlaşdırır. Kaymu.az qeyd edir ki, yeni müştəriləri cəlb etmək üçün xərclənən maliyyə vəsaiti, mövcud alıcıları əldə saxlamaq üçün xərclənən vəsaitdən dəfələrlə baha başa gələ bilər. Müştəri sadiqliyini təmin etmək uğur və uğursuzluq arasında fərq ola bilər. Əgər onlayn satış edirsinizsə, Sizə kömək edəcək - müştəri sadiqliyinə istiqamətlənmiş 9 əsas göstəriciyə nəzər yetirəcəyik.
1) Sifarişləri təsdiq edin: Həmişə hər bir sifarişi dərhal təsdiq etməyə çalışın, əks halda müştəri nəyinsə düzgün olmadığını düşünə bilər. Öz elektron ticarət platformanızda avtomatik cavab imkanından istifadə edin və şəxsi elektron məktublar göndərin. Həmçinin də - siz hər hansı məhsul geri qaytarmaları olarsa geri qaytarılmasını mütləq təsdiq edin.
2) Müştəriləri məlumatlı saxlayın: Əgər müştərilərin etdikləri sifarişlə bağlı ortada hər hansı bir sual varsa, məsələn sifariş olunan məhsul ehtiyatda da bitibsə, çatdırılma şirkəti məhsulları yanlış ünvana çatdırıbsa, ya bu tip başqa problem varsa dərhal xəbər edin. Məsələni aydınlaşdırmaqla bağlı bütün məsuliyyəti öz üzərinizə götürün. Satıcını, çatdırılma şirkətini və ya digər kimsəni günahlandırmayın. Əgər qısa vaxt içində öhdəsindən gələ biləcəksinizsə, çatdırılmalara daha yaxından bir daha nəzarət edin, problemin nə olduğunu müəyyənləşdirin. Bu müştərilərə daha da müsbət təsir edəcək və onlar əmin olacaqlar ki, siz onların problemi ilə maraqlanırsınız və həll etmək üçün səylər göstərirsiniz.
3) Şəxsi olun: İnternet şəxssizdir, ona görə hər bir imkandan istifadə edərək xidmətinizi şəxsiləşdirin. Məsələn ofisinizdə işçi heyəti ilə şəkillər çəkdirin, əlaqə nömrələrini qeyd edin və bu müştəriləri daha da əmin edəcək ki, əgər hər hansısa problem olarsa onlar artıq bilirlər ki, kim ilə saxlamaq lazımdır.
4) Çoxsaylı vasitələri dəstəkləyin: Bugünlərdə insanların gözləntiləri odur ki, onlayn pərakəndə ticarət ünvanlarını tapsınlar. Bundan fərqli olaraq, məhsulun detalları və ehtiyatda olub olmama mümkünlüyü həm onlayn və həmdə mağazada ala bilmə gözləntiləri olan insanların da sayı artmaqdadır. Daha sonra müştərilər arzuladıqları vasitələrdən (onlayn, telefon, mağaza) istifadə edərək məhsulu sifariş etmək istəyirlər. Əgər siz bu çoxsaylı vasitələr gözləntisini qarşılaya bilmirsinizsə o zaman müştərilər başqa yerə gedəcəklər. Əlavə olaraq, tədqiqatlar göstərir ki, çoxsaylı vasitələrdən istifadə edən müştərilər daha çox gəlirlidir.
5) Hər zaman yeni qalmağa çalışın: Veb saytınızın əsas səhifəsini yeni təkliflərlə və xəbərlərlə tez-tez yeniləyin. Bu qiymətləndirmələrə (reytinqlərə) kömək edir və müştərilərdə arxayınlıq yaradır ki, xidmət həmişə yeni olacaq.
6) Problemləri həll edin: Əgər hər hansısa bir səhv baş veribsə dərhal onu düzəldin. Müştərilər onlara zəng edilib ən azından üzr istəməyi belə müsbət qiymətləndirirlər. Hər hansı balaca hədiyyə və yaxud endirim edilməsi də məsələnin həll olunmasına kömək edir. Əgər işçi heyətiniz varsa, onlara xatırladın ki, müştərinin narazı olmağı hamımızın problemidir. Heç zaman imkan verməyin ki, işçilər öz aralarında bir-birlərini tənqid etsinlər. İş yoldaşlarınızı deyil, rəqiblərinizi məğlub etməyə diqqətinizi yönəldin.
7) Şikayətlər-bərabər imkanlar: Şikayətlər şirkətlərə böyük imkan yaradır ki, onlardan öyrənsinlər və inkişaf etsinlər. Eyni zamanda müsbət və mənfi rəyləri öz işçilərinizlə bölüşməyiniz yaxşıdır. Heç zaman tənqid edərkən adları çəkməyin, bu onlara xatırladacaq ki müştəriləri razı salmaq, məmnun etmək necə vacibdir.
8) Özünüzdən razı olmayın: Davamlı olaraq, öz xidmətlərinizə nəzarət edin. Müştərilər məhsulu əldə etdikdən sonra onlarla elektron məktub və ya telefonla əlaqə saxlayın, soruşun razı qalıblar ya yox. Əgər yox, artıq o zaman hər problemi həll edə bilərsiniz. Məhsullar və xidmətlər üçün verilmiş rəylər sizə imkan verir ki, müştəriyə zəng etdiyinizdə məhsullarınız və xidmətləriniz, ola bilsin ki digər xüsusi təkliflər haqqında məlumatları da deyə biləsiniz. Həmçinin gizli qonaq kimi heç olmasa bir neçə dəfə özünüz xidmətlərdən, məhsullardan istifadə etməyə cəhd edin.
9) Müştərilərinizi mükafatlandırın: Uzun müddətli işləmək üçün sadiqliq proqramları orijinal və nadir mükafatlar təmin etməlidirlər. Birinci dəfə alış edən müştəriləri və ya hər hansı müştəriyə desəniz ki, siz onu şirkətə sadiqliyinə görə mükafatlandırırsınız bununla siz böyük dönüş yaratmış olarsınız. Paralel olaraq, hər hansısa müştərini narahat etdiyiniz üçün onları da mükafatlandırın, çünki bu onları məmnun edəcək və müştəri sadiqliyi yaratmış olacaqsınız.
Sonda qeyd etmək istərdik ki, şirkətin fəaliyyət göstərdiyi ilk illərdə müştəri sadiqliyini qoruyub saxlamaq daha asandır, lakin illər sonra bu zaman-zaman daha da çətin olur. Ona görə çalışmaq lazımdır ki, müştəri sadiqliyinə nail olasınız çünki bu eyni zamanda sizin maliyyə baxımından uğurunuz olacaq.
