Reklam çarxına baxış dünən Türkiyədə rekord qırıb. 15 gizli kamera və 500-dək adamın iştirakı ilə çəkilən reklam hər kəsdə maraq yaradıb. İdmançılarla yanaşı reklama çəkilən digər iştirakçılar sonda göstəriləcək ”Anadolu EVES” plakatlarını gizlətməkdən ötrü xüsusi kostyum geyinməli olublar.

Reklam çəkilişindən xəbərsiz olan basketbolçular klassik musiqi konsertinə baxmaq üçün teatr salonuna aparılır. Orkest üzvləri və dinləyicilər salonda yer alır, basketbolçular da heç bir şeydən şübhələnmədən yerlərinə otururlar. Bir müddət klassik musiqi dinləyən idmançıların bəzilərini yuxu da tutur. Bu zaman qəfildən orkestin ifasında məşhur “Duman” qrupunun “Səndən daha gözəl” mahnısı oxunmağa başlayır. Bu dəfə solistlər isə səhnədə deyil, salondadır. Sonra nə baş verdiyini isə videodan izləyin.